site
stats
پاکستان

کراچی سمیت ملک بھر میں قومی انسدادِ پولیو مہم دوسرے روز بھی جاری

کراچی: ملک بھر میں قومی انسداد پولیو مہم دوسرے روز بھی جاری ہے۔

سندھ میں انسدادِ پولیو مہم کے ڈپٹی پراجیکٹ ڈائریکٹر کے مطابق رواں سال صوبے میں پولیو کےسولہ کیسز رپورٹ ہوچکےہیں، مہم کے دوران پانچ سال تک کی عمر کے بچوں کو وٹامن اے کی اضافی خوراک بھی فراہم کی جارہی ہے۔

ڈپٹی پراجیکٹ ڈائریکٹر کا کہنا ہے کہ کراچی میں تئیس لاکھ کے قریب بچوں کو پولیو کے قطرے پلانے کا ہدف مقرر کیا گیا ہے، ہائی رسک زون گلشن اقبال گڈاپ، بلدیہ سمیت دیگر متاثرہ یونین کونسلوں میں اتوارکو خصوصی پولیو مہم بھی چلائی جاتی ہے۔

ڈپٹی پراجیکٹ ڈائریکٹرکے مطابق پولیو ورکرز کے تحفظات بدستور برقرار ہیں، آج سیکیورٹی نہ ملی تو مہم کل سے شروع کرینگے۔

دوسری جانب بلوچستان کے ستائیس اضلاع میں چار روزہ پولیو مہم دوسرے روز بھی جاری ہے، صوبائی محکمہ صحت کےمطابق دو اکتوبرتک چودہ لاکھ پینتیس ہزارنوسو تیراسی بچوں کو پولیواور وٹامن اےکے قطرے پلائے جائینگے، مہم کیلئے چار ہزارنو سو بارہ موبائل ٹیمیں تشکیل دی گئی ہیں جبکہ قلعہ عبداللہ اورپشین میں پولیو مہم اکتوبرکے وسط میں چلائی جائیگی۔

ادھر مالاکنڈ ڈویژن میں چار روزہ پولیو مہم کےدوسرے روز سخت سیکیورٹی انتظامات کئےگئے ہیں، محکمہ صحت کےمطابق ایک لاکھ بیس ہزاربچوں کو قطرے پلانے کیلئے تین سوچالیس ٹیمیں بنائی گئی ہیں۔

رواں برس کراچی سمیت ملک بھرمیں پولیوکےمزید دس کیسز سامنے آگئے ہیں، جسکے بعد ملک بھر میں پولیو کیسز کی تعداد ایک سو چوراسی ہوگئی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top