سندھ بھرکےتمام سرکاری ونجی اداروں میں مزید ایک ہفتے کی تعطیلات کے بعد آج سے تدریسی عمل دوبارہ شروع ہوگیا ہے، بچوں نے اسکول کا رخ کیا تو سردی نے بھی اپنا رنگ دکھا دیا۔
بچے سردیوں کی چھٹیوں کا مزہ لے کر ایک بار پھر اپنی درسگاہوں کی جانب جارہے ہیں، کراچی میں اسکول کھلتے ہی سردی لوٹ آئی، سندھ میں آج سردیوں کی چھٹیاں تمام ہوئی تو سردی کی شدت میں ایک بار پھر اضافہ ہوگیا۔
کراچی سمیت سندھ بھر میں تعلیمی ادارے یکم جنوری سے کھول دیئے گئے تھے تاہم شدید سردی کے باعث والدین اور بچوں کی مشکلات کے پیش نظر حکومت سندھ نے صوبہ بھرمیں نجی اورسرکاری اسکولز کی تعطیلات میں مزید ایک ہفتے کی توسیع کردی تھی۔
- Advertisement -
سندھ حکومت کے جاری کردہ نوٹیفکیشن کے مطابق سرکاری و نجی اسکول اور کالجز کی تعطیلات آٹھ جنوری کو ختم ہونی تھیں۔
