The news is by your side.

Advertisement

کراچی: سی سی ٹی وی کیمرے فنی خرابی کے باعث بند، مانٹیرنگ نظام مفلوج

کراچی : سی سی ٹی وی کیمرے فنی خرابی کے باعث بند ہونے سے شہر کا مانٹیرنگ نظام مفلوج ہوگیا۔

کراچی پولیس کی کوتاہی نے شہر میں خطرے کی گھنٹی بجا دی، شہر کے مختلف علاقوں میں نصب سی سی ٹی وی کیمرے اچانک بند ہوگئے، جس کے بعد شہر کی صورتحال کی براہ راست مانٹیرنگ رک گئی۔

ان سی سی ٹی وی کیمروں سے شہر بھر میں امن وامان کی صورتحال اور ٹریفک نظام کی براہ راست مانٹیرنگ کی جاتی تھی۔

اہم شاہراہوں سمیت مختلف مقامات پر نصب ان کیمروں کی تعداد نوسو سے زائد ہے، سی سی ٹی وی کیمروں کی فنی خرابی کو تاحال دور نہیں کیا جاسکا ہے۔

پولیس انتظامیہ کی اس غفلت سے شہر کسی بھی تخریب کاری کا نشانہ بن سکتا ہے، کیا پولیس انتظامیہ ایسے کسی واقعے کی ذمے داری قبول کرے گی؟ شہر میں ہونے والے جرائم کو کیسے مانیٹر کیا جائے گا؟ ایسے کئی سوالات نے کراچی کے عوام کو عدم تحفظ میں مبتلا کردیا ہے۔

Print Friendly, PDF & Email

Comments

comments

یہ بھی پڑھیں