کراچی فائرنگ ، 3افراد جاں بحق، 2زخمی -
The news is by your side.

Advertisement

کراچی فائرنگ ، 3افراد جاں بحق، 2زخمی

کراچی: شہر قائد میں ٹارگٹ کلنگ کا سلسلہ جاری ہے اور جرائم پیشہ عناصر کھلے عام پھر رہے ہیں، کراچی میں فائرنگ کے مختلف واقعات میں تین افراد جاں بحق جبکہ دو زخمی ہوگئے۔

کراچی میں ایک بار پھر جرائم پیشہ واقعات نے سر اٹھالیا ہے، کراچی میں پولیس اور رینجرز آپریشن بھی ٹارگٹ کلز کو نہیں روک سکے، پولیس کے مطابق گلشن اقبال بیت المکرم مسجد کے قریب نامعلوم افراد نے فائرنگ کردی جس کے نتیجے میں دو سیکیورٹی اہلکار شدید زخمی ہوگئے۔

جنھیں قریبی اسپتال منتقل کیا گیا، جہاں پراللہ بخش نامی سیکیورٹی گارڈ نے زخموں کی تاب نہ لاتے ہوئے دم توڑ دیا۔ جبکہ اس کا ساتھی شعیب زیر علاج ہے۔

دوسری جانب بھینس کالونی نمبر آٹھ میں ذاتی دشمنی کی بنا پر فائرنگ سے مرتضیٰ نامی شخص قتل ہوا جبکہ اورنگی ٹاون نشان حیدر چوک کے قریب فائرنگ سے انعام الحق نامی شخص لقمہ اجل بنا، جس کی لاش کو ضابطے کی کاروائی کیلئے عباسی شہید اسپتال منتقل کیا گیا۔

گزشتہ روز بھی فائرنگ کے مختلف واقعات میں ایم کیو ایم سے تعلق رکھنے والے تین افراد جاں بحق ہوگئے تھے۔

پہلا واقعہ کراچی میں رضویہ تھانے کی حدود نیو گولیمار میں تقویٰ مسجد کے قریب پیش آیا،جہاں نامعلوم مسلح موٹرسائیکل سواروں نے فائرنگ کرکے محمد اشرف اور عبدالرحمان نامی شخص کو قتل کردیا تھا۔

فائرنگ کا دوسرا واقعہ مومن آباد میں پیش آیا، جس میں اشرف خان نامی شخص جاں بحق ہوگیا تھا، مقتول ایم کیو ایم بلوچستان کمیٹی کا جوائنٹ انچارج تھا ۔

Comments

comments

یہ بھی پڑھیں