The news is by your side.

Advertisement

کراچی: فائرنگ اور پرتشددواقعات, 5افراد جان سے گئے

کراچی : مختلف علاقوں میں فائرنگ اور پرتشدد واقعات کے دوران دو خواتین سمیت پانچ افراد جاں بحق ہوگئے جبکہ قائد آباد میں کیبل آپریٹر کے دفتر کے باہر دھماکا ہوا تاہم جانی نقصان نہیں ہوا۔

کراچی میں حساس ادارے کے اہلکارنے بیوی کو قتل کرنے کے بعد خودکشی کرلی، پولیس کے مطابق ڈالمیا مجاہد کالونی میں حساس ادارے کےاہلکار صفدرعلی شاہ نے نامعلوم وجوہات کی بنا پراپنی بیوی زینت کو تشدد کے بعد گلا گھونٹ کرقتل کردیا، صفدرمزار قائد پر گارڈ تھا، جہاں اس نے دوران ڈیوٹی گولی مارکرخودکشی کرلی۔ ملیرکےعلاقے رفاہ عام سوسائٹی کے قریب فائرنگ سے ہوٹل کا ویٹراقبال جاں بحق ہوگیا۔

کورنگی چمڑا چورنگی کے قریب سے خاتون کی تشددزدہ لاش ملی، ادھر قائدآباد میں کیبل آپریٹر کے دفترکے باہر ہونے والا دھماکا آئی ای ڈی ڈیوائس کے ذریعے کیا گیا، پولیس کےمطابق دھماکا خیزمواد کیبل آپریٹر کے دفتر کےباہر نصب کیا گیا تھا۔ دھماکےمیں پانچ سوگرام بارودی مواداستعمال کیاگیا تاہم دھماکے کے وقت دفترمیں کوئی موجودنہیں تھاجس کی وجہ سےکوئی جانی نقصان نہیں ہوا۔

دھماکےسے دکانوں کے شیشے ٹوٹ گئے شٹر کو نقصان پہنچا ، دھماکے کی گونج دورتک سنی گئی، جس سے علاقےمیں خوف و ہراس پھیل گیا۔

Print Friendly, PDF & Email

Comments

comments

یہ بھی پڑھیں