The news is by your side.

Advertisement

کراچی : قتل وغارت گری کا بازار گرم

کراچی: ٹارگٹڈ آپریشنز بھی فائرنگ کے واقعات پر قابو نہیں پاسکے، فائرنگ کے بڑھتے ہوئے واقعات سے خوف وہراس میں اضافہ ہونے لگا ہے۔

کراچی میں قتل وغارت گری کا بازارگرم ہے، فائرنگ سے پولیس اہلکاروں سمیت عام شہریوں کی زندگیوں کے چراغ گُل ہورہے ہیں، سپریم کورٹ رجسٹری کے قریب فائرنگ میں ملوث دو زیرِ حراست ملزمان کے خلاف دو مقدمات درج کرلئے گئے ہیں، مقدمات آرام باغ اورمیٹھادر تھانے میں درج کئے گئے ہیں۔

مقدمے میں انسدادِ دہشتگردی اور اقدامِ قتل کی دفعات شامل ہیں، دونوں ملزمان کوعینی شاہدین نے بھی شناخت کرلیا ہے۔

گزشتہ روز میٹھادر اور آرام باغ تھانے کی حدود کے درمیان آئی آئی چند ریگر روڈ نزد رجسٹری آفس کے قریب موٹرسائیکل سوار دو ملزمان نے کار میں سوار صدر تھانے کے ایڈیشنل ایس ایچ او ظہور بھٹی پر فائرنگ کردی ،جس کے نتیجے میں ظہور بھٹی زخمی ہوگئے تھے، دونوں ملزمان کو بعدازاں گرفتارکرلیا گیا تھا۔

ملزمان نے سپریم کورٹ کراچی رجسٹری کے قریب فائرنگ سے قبل آرام باغ کے علاقے میں فائرنگ کرکے ایک پولیس اہلکار کو بھی زخمی کیا تھا، نارتھ ناظم آباد کے علاقے میں نامعلوم ملزمان نے کار پراندھا دھند فائرنگ کرکے چالیس سالہ شاہد قریشی کوہلاک کردیا جبکہ کورنگی ڈھائی نمبر میں نامعلوم ملزمان کی فائرنگ سے چالیس سالہ اکبر علی زخمی ہوگیا۔

Print Friendly, PDF & Email

Comments

comments

یہ بھی پڑھیں