The news is by your side.

Advertisement

کراچی فائرنگ :ایک خاندان کے چار افراد اور پولیس اہلکار سمیت چھ افراد جاں بحق

کراچی میں قتل و غارت گری کا سلسلہ جاری ہے،فائرنگ کے مختلف واقعات میں ایک خاندان کے چار افراد اور پولیس اہلکار سمیت چھ افراد جاں بحق ہوگئے۔

شہرقائدمیں سرگرم قاتلوں نےمزید گھروں کےچراغ گل کردیئے۔ پولیس کے مطابق ماڑی پور روڈ سے متصل مشرف کالونی میں نالے سے خاتون اور بچوں سمیت چار افراد کی لاشیں ملیں جنہیں گولیاں مارکر موت کے گھاٹ اتارا گیاتھا جبکہ ایک پندرہ سالہ لڑکی زخمی حالت میں ملی۔

مقتولین کی شناخت پچاس سالہ مظفر اس کی اہلیہ شازیہ اور دو بیٹوں اٹھائیس سالہ شاہ میراور بارہ سالہ عمران کےناموں سے ہوئی، پولیس کا کہناہے کہ تمام افراد مشرف کالونی کے ہی رہائشی ہیں اور ابتدائی شواہد سے معاملہ ذاتی دشمنی کا لگتا ہے۔

اُدھر گلشن چورنگی کے قریب نامعلوم موٹر سائیکل سوار دہشت گردوں کی فائرنگ سے پولیس اہلکار جاں بحق ہوا جس کی شناخت پچاس سالہ سعید کے نام سے کی گئی۔

طارق روڈاللہ والاچورنگی کےقریب فائرنگ سے ایک شخص جان کی بازی ہار گیا۔ جبکہ دوافرادزخمی بھی ہوئے،لیاری آٹھ چوک کے قریب فائرنگ سے دو افراد زخمی بھی ہوئے۔

 

Comments

comments

یہ بھی پڑھیں