کراچی: فائرنگ کے واقعات، 5افراد ہلاک -
The news is by your side.

Advertisement

کراچی: فائرنگ کے واقعات، 5افراد ہلاک

کراچی:  مختلف علاقوں میں فائرنگ اور پرتشدد واقعات میں پانچ افراد ہلاک اور چار زخمی ہوگئے۔

پولیس کے مطابق نارتھ ناظم آباد کٹی پہاڑی کے قریب نامعلوم افراد کی فائرنگ سے دو افراد ہلاک ہوگئے، مقتولین کی شناخت جعفر اور کاشف کے ناموں سے ہوئی، عزیزآباد تھانے کی حدود حسین آباد میں واقع بیکری میں چار مسلح افراد داخل ہوئے اور فائرنگ کردی۔

جس کے نتیجے میں چار افراد زخمی ہوگئے، جنہیں طبی امداد کے لیے عباسی شہید اسپتال منتقل کیا گیا، جہاں دوران علاج دو افراد ذیشان اور فدا حسین جاں بحق جبکہ محمد امتیاز اور اختر حسین زخمی ہوگئے، ہلاک اور زخمی افراد بیکری کے مالک اور ملازمین تھے ۔

لانڈھی انڈسٹریل ایریا میں ڈکیتی میں مزاحمت کے دوران فائرنگ سے ایک شخص ہلاک اور ایک زخمی ہوگیا، نیوکراچی ایوب گوٹھ میں فائرنگ سے ایک شخص زخمی ہوگیا، بن قاسم ریلوے اسٹیشن کے قریب گھر سے خاتون کی گلا کٹی لاش ملی۔

Comments

comments

یہ بھی پڑھیں