site
stats
اہم ترین

کراچی :لانڈھی خرم آباد میں مقابلہ، 2رینجرز اہلکار شہید

کراچی: لانڈھی خرم آباد میں دہشتگردوں سے مقابلے میں دو رینجرز اہلکار شہید ہوگئے، گلستان جوہر میں رات گئے مقابلے کے دوران پولیس اہلکار شہید اور تین ڈاکو مارے گئے۔

کراچی میں دہشتگردوں کے ٹھکانوں پر رینجرز اور پولیس کی چھاپہ مار کارروائیاں جاری ہیں، لانڈھی خرم آباد میں کالعدم تنظیم کے دہشتگردوں کی موجودگی کی اطلاع پر رینجرز نے سرچ آپریشن شروع کیا تو دہشتگردوں نے اہلکاروں پر فائرنگ کر دی، جس میں دو رینجرز اہلکار حوالدار امیر حسن اور سپاہی رخسار شہید ہوگئے۔

جس کے بعد رینجرز کی بھاری نفری نے علاقے کی ناکہ بندی کر کے سرچ آپریشن کے دوران متعدد مشتبہ افراد کو حراست میں لے لیا ہے۔

دوسری جانب رات گئے گلستان جوہر بلاک ٹو میں گھر میں ڈاکوؤں کی موجودگی کی اطلاع پر پولیس نے کارروائی کی، جہاں پولیس اور ملزمان کے درمیان فائرنگ کے تبادلے میں پولیس اہلکار شہید ہوگیا جبکہ ایک ڈاکو مارا گیا۔

فائرنگ کے تبادلے میں ایس ایچ او گلستان جوہر سمیت دو اہلکار اور دو راہگیر بھی زخمی ہوئے، کامران چورنگی کے قریب اسنیپ چیکنگ کے دوران ڈاکوؤں نے پولیس پر فائرنگ کر دی،  جوابی فائرنگ میں دو ڈاکو مارے گئے جبکہ ایک فرار ہوگیا، جس کی گرفتاری کے لئے کوششیں جاری ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top