The news is by your side.

Advertisement

کراچی:لیاری میں 2گروپوں میں تصادم، ایک شخص جاں بحق 6زخمی

کراچی: لیاری ایک بار پھر بم دھماکوں سے گونج اٹھا، فائرنگ اور دستی بم حملوں میں ایک شخص جاں بحق اور چھ زخمی ہوگئے۔

کراچی کے علاقے لیاری شاہ بیگ لین میں گینگ وار کے دو گروپوں کے درمیان مسلح تصادم کے نتیجے میں ایک شخص جاں بحق جبکہ خواتین اور بچوں سمیت چھ افراد زخمی ہوئے۔

پولیس کے مطابق لیاری کے علاقے شاہ بیگ لین میں نامعلوم ملزمان نے گینگ وار گروپ کے لیڈر کے گھر کے قریب دستی بم حملہ کیا گیا جس میں خاتون اور دو بچوں سمیت پانچ افراد زخمی ہوئے، حملے کے بعد علاقے میں خوف و ہراس پھیل گیا جبکہ لیاری کے مختلف علاقوں میں گینگ وار کارندوں نے ایک دوسرے گروپ پر حملے شروع کردئیے ہیں۔

غریب شاہ مزار کے قریب فائرنگ سے ایک شخص جاں بحق ہوا جبکہ افشانی گلی کے قریب فائرنگ سے خاتون زخمی ہوگئیں، تمام زخمیوں اور جاں بحق شخص کی لاش کو سول اسپتال منتقل کیا گیا۔

واقعے کے بعد پولیس اور رینجرز کی بھاری نفری نے علاقے میں داخل ہوکر صورتحال پر قابو پالیا ہے، تاہم اب بھی مختلف علاقوں میں وقفے وقفے سے فائرنگ کا سلسلہ جاری ہے۔

دوسری طرف عائشہ منزل کے قریب بیکری میں نامعلوم افراد کی فائرنگ سے بیکری کا مالک زخمی ہوگیا، ذرائع کے مطابق بیکری مالک کو چند روز قبل نامعلوم افراد نے فون کرکے بھتہ طلب کیا تھا اور بھتہ ادا نہ کرنے پر سنگین نتائج کی دھمکیاں دی تھیں۔

Print Friendly, PDF & Email

Comments

comments

یہ بھی پڑھیں