کراچی: لیاری میں رینجرز سے مقابلہ، جھینگو گروپ کا ملزم ہلاک -
The news is by your side.

Advertisement

کراچی: لیاری میں رینجرز سے مقابلہ، جھینگو گروپ کا ملزم ہلاک

کراچی: لیاری شاہ بیگ لین میں رینجرز سے مقابلے میں گینگ وار کا ایک ملزم ہلاک ہوگیا جبکہ کورنگی ابراہیم حیدری سے ایک شخص کی تشدد زدہ لاش ملی ہے مقتول کی شناخت تاحال نہیں ہو پائی

ترجمان رینجرز کے مطابق آج صبح لیاری کے علاقے شاہ بیگ لین میں رینجرز نے ملزمان کی اطلاع پر چھاپہ مارا، جہاں فائرنگ کے تبادلے میں ایک ملزم ساجد ہلاک ہوگیا، ملزم کا تعلق لیاری گینگ وار کے جبار عرف جھینگو گروپ سے تھا، ملزم دو خواتین سمیت چودہ افراد کے قتل میں ملوث تھا۔

چھاپے کے دوران رینجرز نے لیاری گینگ وار کے دو ملزمان شریف اور حنیف کو گرفتار کرلیا ہے، ملزمان کے قبضے سے اسلحہ بھی برآمد ہوا، پولیس کے مطابق بلدیہ کے علاقے یوسف گوٹھ میں پولیس نے چھاپہ مارا، جہاں مقابلے کے بعد ایک ملزم کو زخمی حالت میں گرفتار کرکے مغوی کو بحفاظت بازیاب کرالیا ہے۔

ایس ایچ او سعید آباد نوید ناصر کے مطابق گرفتار ملزم کا تعلق گینگ وار سے ہے، ملزم نے ساتھیوں کے ساتھ مل کر گزشتہ روز سعید آباد مرشد اسپتال کے قریب سے مقامی تاجر کوگاڑی سمیت اغواء کیا، ملزم کے دیگر ساتھی فرار ہونے میں کامیاب ہوگئے ہیں، جن کی تلاش جاری ہے۔

دوسری جانب کورنگی ابراہیم حیدری سے ایک شخص کی تشدد زدہ لاش ملی ہے مقتول کی شناخت تاحال نہیں ہو پائی ہے۔

Comments

comments

یہ بھی پڑھیں