site
stats
پاکستان

کراچی: لیاری میں رینجرز کی کاروائی ، گینگ وار کے 3کارندے ہلاک

کراچی :  لیاری ریکسر لائن میں مبینہ مقابلے میں بابالاڈلا گروپ کے تین کارندے ہلاک ہوگئے۔

رینجرز نےکراچی کے علاقے لیاری ریکسر لائن میں جرائم پیشہ افراد کی موجودگی کی اطلاع پر کارراوئی کی تو ملزمان نے رینجرز اہلکاروں پر فائرنگ شروع کردی ، جوابی فائرنگ میں بابا لاڈلا گروپ سے تعلق رکھنے والے تین کارندے ہلاک ہوگئے۔

رینجرز ترجمان کے مطابق ہلاک ملزمان کراچی میں ٹارگٹ کلنگ،بھتہ خوری اورڈکیتی کی کئی وارداتوں میں ملوث تھے۔

دوسری جانب کراچی کے علاقے گلستان جوہر میں رینجرز نے ٹارگٹڈ آپریشن کرتے ہوئے متعدد افراد کو حراست میں لے لیا، عید گاہ کے قریب سے چار غیرملکی گرفتار کرلئے گئے۔

ترجمان رینجرز کے مطابق رینجرز نے شہر کے مختلف علاقوں میں کارروائیاں کرتے ہوئے کالعدم تحریک طالبان ،لیاری گینگ وار سمیت بارہ ملزمان کو حراست میں لے لیا ہے، پولیس نے بھی گلستان جوہر سے دس افراد کو حراست لیا۔

پولیس حکام کے مطابق اورنگی ٹاؤن طوری بنگش میں پولیس نے کارروائی کی جس میں دو کار لفٹر مارے گئے ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top