The news is by your side.

Advertisement

کراچی: محرم الحرام میں خودکش حملوں کا خطرہ

کراچی: محرم الحرام میں دہشت گردوں کے بڑے خطرے سے حساس ادراروں نے آگاہ کردیا ہے، حساس اداروں کی رپورٹ کے مطابق دہشت گرد مخصوص مقامات پر خود کش حملہ کرنے کی منصوبہ بندی کرچکے ہیں۔

حساس اداروں کی رپورٹ کے مطابق محرم الحرام کے دوران مخصوص علاقوں میں کالعدم تحریک طالبان کی جانب سے خودکش حملے کی منصوبہ بندی کی گئی ہے کالعدم تنظیم کی اعلیٰ قیادت نے ایم پی آر کالونی کے امیر خلیل کو ٹاسک دیا ہے جسکے بعد کالعدم تحریک طالبان نے دو خود کش حملہ آور کراچی بلا لئے ہیں۔

یہ دہشت گرد اورنگی ، منگھوپیر میں امام بارگاہ گرم چشمہ ،کالا میدان ،علی گڑھ کالونی میں خود کش حملہ کرسکتے ہیں۔

رپورٹ کے مطابق حملے کے لیے مدرسے کے اٹھارہ سالہ طالب علم محمد زمین کو تیار کیا گیا ہے، خودکش حملے کے لئے دو جیکٹس بھی تیار کی گئی ہیں، جن کا وزن پانچ سے چھ کلو گرام ہے۔

قانون نافذ کرنے والے اداروں نے حملہ آوروں کی تلاش شروع کردی ہے۔

Print Friendly, PDF & Email

Comments

comments

یہ بھی پڑھیں