site
stats
اہم ترین

کراچی :مختلف علاقوں میں بوندا باندی کا سلسلہ جاری ، موسم خوشگوار

کراچی: شہر قائد کے مختلف علاقوں میں ہلکی بونداباندی کا سلسلہ وقفے وقفے سے جاری ہے اور موسم خوشگوار ہوگیا۔

رات گئے کراچی کے مختلف علاقوں میں ہونے والی بارش کے بعد موسم خوشگوار اورخنکی میں اضافہ ہوگیا۔

مختلف علاقوں میں جمعہ کو تیز ہواؤں کے ساتھ بارش کا سلسلہ شروع ہوا۔ جس کے بعد شہرمیں رات بھربوندا باندی ہوتی رہی جبکہ کلفٹن ، صدر، گلشن اقبال، ، جوہر ، لانڈھی ،نارتھ کراچی اور نیوکراچی سمیت پیشتر مقامات پر ابر کرم جم کر برسا۔

اس موقع پر صوبائی وزیربلدیات شرجیل میمن نے شہر کے مختلف علاقوں کا دورہ کیا اور تمام متعلقہ اداروں کے افسران کو ہدایت کی کہ تمام وسائل بروئے کار لا کر ہنگامی بنیادوں پر نکاسی آب کو یقینی بنایا جائے۔

کئی علاقوں میں تیز بارش کے بعد پانی کھڑا ہو گیا، جس سے شہریوں کو پریشانی کا سامنا کرنا پڑا، بارش کے پانی کے باعث موٹر سائیکل سوار پھسلن کا شکارہو گئے۔

گارڈن، لسبیلہ اور نارتھ ناظم آبادسمیت کئی علاقوں میں صفائی ستھرائی نہ ہونے کے باعث ٹریفک کی روانی بھی شدید متاثرہورہی ہے، شہر میں رین ایمرجنسی نافذ ہونے کے باوجود بلدیاتی علمہ بدستورغائب ہے اور ایک بار پھر سندھ حکومت کی صفائی مہم بھرپور طریقے سے ناکام ہوگئی ہے۔

محکمہ موسمیات نے آج سے کراچی ، بلوچستان خیبر پختونخوا اور پنجاب کے مختلف شہروں میں بارش کی پیش گوئی کردی۔

 محکمہ موسمیات کے مطابق اگلے چوبیس گھنٹوں میں کراچی سمیت بلوچستان کی ساحلی پٹی میں مزید بادل برسیں گے اور آج ملک کے بیشتر علاقوٕں میں مطلع جزوی طور پر ابرآلود رہیگا ۔

بارشوں کا سبب بنے والی ہوائیں اتوار کی شام تک بالائی علاقوں میں پہنچ کر بارش برفباری ،اور ژالہ باری کا سبب بنیں گی ۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top