The news is by your side.

Advertisement

کراچی: موسلادھار بارش نے ناقص بلدیاتی نظام کی قلعی کھول دی

کراچی: رات گئےاچانک گرج چمک اور تیزہواؤں کے ساتھ موسلادھار بارش نے ناقص بلدیاتی نظام کی قلعی کھول دی، شہر کراچی میں انتظامی نااہلی سے باران رحمت شہریوں کیلئے زحمت بن گئی، نکاسی آب نہ ہونے کی وجہ سے جگہ جگہ ٹریفک جام ہوگیا، جس سے شہریوں کو شدید مشکلات کا سامنا ہے۔

کراچی میں بادل ایسے گرجے کہ ریکارڈ توڑ بارش سے جل تھل ایک ہوگیا، محکمہ موسمیات کے مطابق شہر میں چھ ملی میٹر بارش ریکارڈ کی گئی جبکہ چوبیس گھنٹوں کے دوران وقفے وقفے سے ہلکی بارش کا سلسلہ چلتا رہے گا۔

رات گئے گرج چمک اور تیزہواؤں کے ساتھ موسلادھار بارش ہوئی سڑکوں پر پانی ایسا جمع ہوا کہ روڈ تالاب کا نظارہ دینے لگے، نشیبی علاقوں کو برسات کے پانی نے زیر کرلیا، تیز ہواؤں کے سبب مختلف علاقوں میں نصب سائن بورڈ اور درخت گرگئے۔

کراچی کے انتظامی امور کو سنبھالنے والے کمشنر نے بارشوں کے بعد شہر کا دورہ کیا تو بلدیاتی ادارے کے کارنامے منہ چڑھاتے نظر آئے، صفائی ستھرائی کے اور نکاسی آب کے ناقص انتظامات ، بلدیاتی عملہ غائب، سڑکوں پر پا نی کھڑا اور مسائل سے دوچار شہریوں کی حالات زار دیکھنے کو ملی۔

بلدیاتی اداروں کی جانب سے رین ایمرجسی نافذ نہیں کی گئی، ناقص بلدیاتی انتظامات نے برسات کی بہاروں کا مزہ کر کرا کرکے رکھ دیا۔

Print Friendly, PDF & Email

Comments

comments

یہ بھی پڑھیں