The news is by your side.

Advertisement

کراچی میں المناک سانحہ، سیاسی قیادت کے لئے کھانا اہم، ٹوئٹر پر شدید ردِعمل

اسلام آباد: کراچی میں المناک سانحہ کے باوجود اقتصادی راہداری پر بریفنگ اور کھانا بھی ساتھ چلتا رہا۔

پاک چین اقتصادی راہداری پر سیاسی جماعتوں کو اعتماد میں لینے کے لیے پارلیمانی رہنماؤں کے اجلاس میں احسن اقبال کی اہم بریفنگ کھانے کی نذر ہوگئی، شاید وزیراعظم سمیت تمام وزرا کو بھوک زیادہ لگی تھی۔

سامنے مزیدار کھانوں کی ڈشیں ہوں اور پیٹ میں چوہے دوڑ رہے ہوں تو کون وفاقی وزیر احسن اقبال کی خشک کہانی سنے گا، پاک چین اقتصادی راہدری کے لیے بلائی گئی اے پی سی میں جب وزیراعظم نواز شریف کو بھوک ستائی تو انھوں نے کہا کہ  بریفنگ جاری رکھیں اور ساتھ کھانے کا مزہ بھی لیں۔

وزیرِاعظم کا بس کہنا ہی تھا پھر کیا وفاقی وزراء کیا صوبائی وزیر سب کھانے پر ٹوٹ پڑے اور خوب پیٹ بھرا۔

وزیرخزانہ  سے لے کر صوبائی وزیر تک کھانے میں  مگن نظر آئے ، نہ کسی نے بریفنگ پر توجہ دی اور نہ ہی سانحے کراچی کے اثر دیکھائی دیئے۔

وزیرِاعظم نواز شریف نے کراچی سانحہ نظر انداز کرکے اقتصادی راہداری پر بریفنگ اور کھانے کو اہمیت دی ، جس پر لوگوں نے ٹوئٹر پر شدید ردِ عمل کا اظہار کیا۔

Comments

comments

یہ بھی پڑھیں