site
stats
اہم ترین

کراچی میں بیریئرز ہٹانے سے جرائم میں اضافے کاخدشہ ہے، قائم علی شاہ

کراچی : وزیرا علیٰ سندھ  سید قائم علی شاہ نے کراچی میں راستوں سے رکاوٹیں ہٹانے پر جرائم میں اضافہ کاخدشہ کا اظہار کردیا،جبکہ  ڈی جی رینجرز کا کہنا ہے کہ راستوں سے رکاوٹیں ہٹانے کی تیاری کر لی ہے۔

تفصیلات کے مطابق کراچی میں سندھ ایپکس کمیٹی کے اجلاس سے خطاب کرتے ہوئے وزیر اعلیٰ سندھ سید قائم علی شاہ نے کہا کہ کراچی میں اب تک اسٹریٹ کرائم پر قابو نہیں پایاجاسکا، شہروں کے راستوں پر لگی رکاوٹیں ہٹا دی گئیں تو اسٹریٹ کرائم میں اضافہ ہو سکتا ہے۔

اجلاس کو بریفنگ دیتےہوئے ڈی جی رینجرز نے بتایا کہ بیریئرز ہٹانے کیلئے مکمل طور پر تیاری کرلی ہے، کراچی میں اڑتالیس فیصد جرائم لائسنس یافتہ اسلحہ سے کئے جاتے ہیں، اجلاس میں صوبہ میں اسلحہ کی بائیومیٹرک سسٹم کے ذریعے جانچ کرنے کا فیصلہ کیا گیا۔

ڈی جی رینجرز نے اجلاس کو بتایا کہ ایم کیو ایم کے مرکز پر کارروائی انٹیلی جنس اطلاعات اورجرائم پیشہ عناصر کی موجودگی پر کی گئی۔

انہوں نے واضح کیا کہ رینجرز صرف جرائم پیشہ عناصر کے خلاف کارروائی کررہی ہے کسی جماعت کے خلاف نہیں، وزیراعلیٰ سندھ نے کہا کہ ایڈیشنل آئی جی کراچی میں اسٹریٹ کرائم کی روک تھام کیلئے جامع حکمت عملی اپنائیں۔

اجلاس کو بتایا گیا کہ سندھ بھر میں اسلحہ کے چار سو ڈیلرز ہیں جن میں سے بعض غیر قانونی اسلحہ کی ترسیل میں ملوث ہیں۔

اجلاس کو بتایاگیا کہ وزیراعظم نواز شریف کل کراچی آئیں گے اور گورنر ہاؤس میں امن وامان کے حوالے سے اجلاس کی صدارت کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top