کراچی: شہر کے صنعتی علاقےمیں ایک فیکٹری میں آگ لگ گئی ہے جسے تیسرے درجے کی آگ قراردیا گیا ہے۔
تفصیلات کے مطابق رات گئے غنی چورنگی کے قریب واقع دھاگے کی فیکٹری میں آگ بھڑک اٹھی۔
آگ کی اطلاع ملتے ہی فائربریگیڈ کی گاڑیاں جائے وقوعہ پرپہنچنا شروع ہوگئیں اورتازہ اطلاعات کے مطابق کل دس گاڑیاں آگ بھجانے کی کوشش میں مشغول ہیں جبکہ مزید گاڑیاں طلب کی جارہی ہیں۔
فیکٹری ذرائع کے مطابق آگ پھیلنے کا سبب گودام میں موجود لاکھوں روپے مالیت کا دھاگہ جس نے آگ پکڑلی ہے، تاحال کسی جانی نقصان کی اطلاع نہیں ملی ہے۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
