The news is by your side.

Advertisement

کراچی میں رینجرزکاایم کیوایم کےدفتر پر چھاپہ

کراچی: شہرِ قائد کے علاقے گلشن معمار اسکیم 33 میں رینجرز کی جانب سے ایم کیو ایم کے سیکٹر آفس کا گھیراؤ کیا گیا ہے چھاپے اور گھیراو  کے دوران متعدد افراد کو زیرِ حراست بھی لیا گیا ہے ۔

ایم کیو ایم کی رابطہ کمیٹی نے واقع کے شیدید مذمت کی ہے ،  رابطہ کمیٹی کے مطابق گھیراؤ اس وقت کیا گیا جب سیکٹر آفس میں ایم کیو ایم کے کارکنان کا پارٹی کی تنظیم نو کے حوالے سےجنرل ورکرز اجلاس جاری تھا۔

اے آر وائی کے نمائدے شاہنواز شاہ کے مطابق چھاپے کے دوران ایم پی اے فیصل سبز واری اسکیم 33 کے آفس پہنچے لیکن انھیں اندر جانے نہیں دیا گیا،چھاپے کے بعد علاقے میں ہوائی فائرنگ سے علاقے اور اس کے اطراف میں کاروباری مراکز بند ہوگئے، چھاپے کے خلاف علاقہ مکینوں نے شدید احتجاج کیا ہے۔

ایم کیوایم کی رابطہ کمیٹی معمار آفس پہنچ گئی ہے، رابطہ کمیٹی نے رینجرز کی طرف سے اسکیم 33میں واقع ایم پی اے آفس پر چھاپے، متعدد کارکنان کی گرفتاری اوردفتر میں توڑ پھوڑ اور چھاپے کے دوران کارکنان پر تشدد کی شدیدترین الفاظ میں مذمت کی ہے، رابطہ کمیٹی نے ہونےوالے نقصان اور توڑ پھوڑ کا بھی جائزہ لیا ہے۔

Print Friendly, PDF & Email

Comments

comments

یہ بھی پڑھیں