The news is by your side.

Advertisement

کراچی میں ماہِ رمضان کے دوران تیسرا بریک ڈاؤن

کراچی: کے الیکٹرک انتظامیہ کی غفلت کے سبب ماہِ رمضان میں بجلی کا تیسرابریک ڈاؤن ، شہر کےبیشتر علاقو ں کو رات دس بجے سے بجلی کی فراہمی معطل ہے۔

تفصیلات کے مطابق بن قاسم پاور پلانٹ میں فنی خرابی کے باعث شہر کے بیشترعلاقے تاریکی میں ڈوب گئے۔

ملیر،شاہ فیصل کالونی،لیاقت آباد ،بفرزون ،نیوکراچی اور لانڈھی کورنگی سمیت متعدد علاقوں میں بجلی کی فراہمی معطل ہونے سے شہریوں کواذیت کا سامناہے۔

پیری ،دھابیجی اور گھارو پمپنگ اسٹیشنزپر بجلی کی فراہمی کئی گھنٹوں سے معطل ہونےکے باعث شہرکو پانچ کروڑ سے زائد گیلن پانی فراہم نہیں کیا جاسکا۔

ترجمان کے الیکٹرک کا کہنا ہے کہ پیری آئی سی آئی کی دوسوبیس کے وی ٹرانسمیشن لائن ٹرپ کرنے کے سبب دس گرڈاسٹیشنز متاثر ہوئے۔

ترجمان نے مزید کہا ہے کہ ہوا میں نمی کے باعث ٹرانسمیشن لائن ٹرپ ہوئی ہے جس کی بحالی کا کام جاری ہے۔

لوڈشیڈنگ کے سبب ماہ رمضان میں اعتکاف میں بیٹھنے والے معتکفین کو بھی شدید مشکلات کا سامنا ہے۔

Print Friendly, PDF & Email

Comments

comments

یہ بھی پڑھیں