site
stats
اہم ترین

کراچی میں ٹارگٹ کلنگ گھنائونی سازش کا حصہ ہیں، رابطہ کمیٹی

کراچی: ایم کیو ایم رابطہ کمیٹی نے کہا ہے کہ ورنگی ٹاؤن میں فائرنگ سے شہید ہونے والے محمدسلیم ایم کیوایم کاکارکن اورعلی رضا زیدی ہمدرد تھا۔

 ایک بیان میں رابطہ کمیٹی نے کہا ہے کہ کراچی میں تسلسل کے ساتھ ہونے والے فرقہ وارانہ ٹارگٹ کلنگ کے واقعات ایک گھناوٴنی سازش کاحصہ ہیں ، اور عوام یہ سوچنے پر مجبورہیں کہ کراچی کو ایک سوچے سمجھے منصوبے کے تحت غیرمستحکم کیا جارہا ہے۔

رابطہ کمیٹی نے کہا کہ کراچی میں فرقہ وارانہ کالعدم تنظیموں کی سرگرمیاں کراچی میں ماضی کے مقابلے میں بہت بڑھ گئی ہیں،کیا فرقہ وارانہ ٹارگٹ کلنگ کرنے والے یہ عناصر ریاست سے زیادہ طاقتورہیں کہ وہ اس طرح کھل کر کارروائیاں کررہے ہیں۔آخران کے ساتھ آہنی ہاتھوں سے نمٹاکیوں نہیں جارہاہے۔

رابطہ کمیٹی نے کہا کہ گھناوٴنی سازش کامقصد کراچی میں فرقہ وارانہ فساد کی آگ بھڑکانا اورکراچی کے عوام کو فرقہ وارانہ بنیادوں پر تقسیم کرکے ان کے اتحادکوکمزورکرناہےکراچی کے عوام اس سازش کوسمجھیں ، اوراپنے اتحادسے اس گھناوٴنی سازش کوناکام بنادیں

دوسری جانب متحدہ قومی موومنٹ کے قائد الطاف حسین نے اورنگی ٹاوٴن میں مسلح دہشت گردوں کی فائرنگ سے ایم کیوایم کے ہمدرد د علی حیدرزیدی ولد مسکین کی شہادت اور اورنگی ٹاوٴن یونٹ 131 کے کارکن محمد سلیم اصغرولد محمد علی کے زخمی ہونے پر گہرے دکھ اور افسوس کااظہار کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top