The news is by your side.

Advertisement

کراچی میں پیپلزپارٹی کے چاہنے والے موجود ہیں،فریال تالپور

کراچی: پیپلزپارٹی خواتین ونگ کی صدر اور رکن قومی اسمبلی فریال تالپور نے کہا ہے کہ بلاول بھٹو بے نظیر بھٹو شہید کا سفر مکمل کررہے ہیں، پیپلزپارٹی منظم سیاسی جماعت ہے بھٹو ازم کا فلسفہ زندہ ہے۔

وہ پیپلزپارٹی کراچی کے صدر قادر پٹیل کی رہائش گاہ پر پریس کانفرنس سے خطاب کررہی تھیں۔ اس موقع پر فنکشنل مسلم لیگ کے رہنماؤں بسیم مشوانی، بابر مستی خان، صدر الدین شیخ، اور دیگر اہم سیاسی شخصیات نے پیپلزپارٹی میں شمولیت کا اعلان کیا۔

فریال تالپور کاکہنا تھا کہ پیپلزپارٹی ایک سوچ کا نام ہے، پاکستان پیپلزپارٹی میں بحالی کا عمل جاری ہے میں معافی کا لفظ استعمال نہیں کروں گی،انہوں نے کہا کہ پاکستان پیپلزپارٹی کراچی میں ایک منظم حلقہ اثر رکھتی ہے۔

پارٹی کارکنوں کو عزت دیں گے،کراچی میں پیپلزپارٹی کے چاہنے والے موجود ہیں۔انہوں نے کہا کہ عمران خان کے پیپلزپارٹی پر کمنٹس پر کوئی تبصرہ نہیں کروں گی۔

پیپلزپارٹی کراچی کے صدر قادر پٹیل نے کہا کہ پاکستان پیپلزپارٹی کے اٹھارہ اکتوبر کے جلسہ میں عوامی قوت کا بھرپور مظاہرہ ہوگا،مختلف سیاسی اور سماجی رہنماؤں کی پیپلزپارٹی میں شمولیت پیپلزپارٹی پر اعتماد کا اظہار ہے۔

Print Friendly, PDF & Email

Comments

comments

یہ بھی پڑھیں