The news is by your side.

کراچی میں گذشتہ ماہ مختلف واقعات میں 57 افراد کا قتل

کراچی : شہر قائد میں گزشتہ ماہ جرائم کی وارداتوں کی شرح میں اضافہ دیکھنے میں آیا اور مختلف واقعات میں57 افراد کو قتل کردیا گیا۔

تفصیلات کے مطابق سٹی پولیس لیاژان کمیٹی (سی پی ایل سی) نے ماہ اکتوبر میں کراچی میں ہونے والے جرائم کی رپورٹ جاری کردی۔

رپورٹ میں بتایا گیا کہ ایک ماہ کے دوران مختلف واقعات میں57 افراد قتل ہوئے جبکہ اغواء برائے تاوان کی 2 اور بھتہ خوری کے 3 واقعات رپورٹ ہوئے۔

سی پی ایل سی کا کہنا تھا کہ 31 روز کے دوران 2 ہزار 260 موبائل فونز چھینے گئے اور مختلف کارروائیوں کے دوران پولیس نے 39 موبائل فونز برآمد کئے۔

اعداد و شمار کے مطابق ماہ اکتوبر میں 211 شہریوں کو کار سے بے کار کردیا گیا، جس کے بعد مختلف کارروائیوں کے دوران 49 گاڑیوں کو برآمد کیا۔

اسی طرح ایک ماہ کے دوران 4 ہزار659 موٹر سائیکلیں چوری، 446 چھینی گئی اور پولیس نے مختلف کارروائیوں میں323 موٹر سائیکلوں کو برآمد کیا۔

Comments

یہ بھی پڑھیں