site
stats
پاکستان

کراچی: نائن زیرو سے برآمد اسلحے کے فرانزک ٹیسٹ کافیصلہ

کراچی: ایم کیوایم کے مرکز نائن زیروسے برآمد اسلحے کے فرانزک ٹیسٹ کا فیصلہ کیا گیا ہے جبکہ رینجرز کے اختیارات میں مزید چارماہ کی توسیع کردی گئی ہے، دوسری جانب بم ڈسپوزل اسکواڈ کی ٹریننگ کے لیے ایف بی آئی کی ٹیم پاکستان پہنچ گئی۔

کراچی میں ایم کیوایم کے مرکز نائن زیرو سے برآمد کئے گئے اسلحے کے فرانزک ٹیسٹ سے ان ہتھیاروں کے استعمال کا پتہ لگایا جائے گا، دوسری جانب محکمہ داخلہ سندھ نے رینجرز کے اختیارات میں چار ماہ کی توسیع کردی ہے۔

ذرائع کے مطابق رینجرز کے اختیارات میں توسیع انسداد دہشت گردی ایکٹ کے تحت کی گئی ہے ، جس کے بعد رینجرز کو چھاپے، گرفتاری، اور تحقیقات کا خصوصی اختیار حاصل ہے۔

دوسری جانب بم ڈسپوزل اسکواڈ کی ٹریننگ کے لیے ایف بی آئی کی ٹیم پاکستان پہنچ گئی، پولیس ذرائع کے مطابق ایف بی آئی کی ٹیم پیر سے بم ڈسپوزل اسکواڈ کے اہلکاروں کو تربیت دے گی، تربیتی پروگرام میں کراچی سمیت سندھ بھر سے بم ڈسپوزل اسکواڈ کے اہلکار حصہ لیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top