The news is by your side.

Advertisement

کراچی :نارتھ ناظم آباد بم دھماکہ،شہید رینجرز اہلکاروں کی نمازِ جنازہ ادا

کراچی: قلندریہ چوک کراچی میں گزشتہ روز جاں بحق رینجرز اہلکاروں کی نماز جنازہ ادا کر دی گئی، اس موقع پر کور کمانڈر کراچی لیفٹیننٹ جنرل نوید مختار کا کہنا تھا کہ بم دھماکے میں شہید اہلکاروں کا خون رائیگاں نہیں جانے دیں گے, ہر قسم کی قربانیاں دیکر دہشت گردی کا خاتمہ کریں گے۔

گذشتہ روز شارع نور جہاں کے علاقے میں رینجرز کی گاڑی کے قریب بم دھماکے میں شہید ہونے والے رینجرز کے دو اہلکار یار محمداور محمد قاسم کی نماز جنازہ رینجرز ہیڈ کوارٹر ٹول پلازہ میں ادا کی گئی، نمازِ جنازہ میں کور کمانڈر کراچی لیفٹیننٹ جنرل نوید مختار ، ڈی جی رینجرز میجر جنرل بلال اکبر سمیت رینجرز افسران اور شہید اہلکاروں کے اہل خانہ نے شرکت کی۔

نمازِ جنازہ کے بعد میڈیا سے گفتگو میں کور کمانڈر کراچی لیفٹیننٹ جنرل نوید مختار نے کہا کہ شہید اہلکاروں نے قوم کی خاطر جان کے نذرانے پیش کئے ہیں، دونوں اہلکاروں کی قربانیاں رائیگاں نہیں جائیں گی۔

کور کمانڈر کراچی نے کہا کہ کراچی میں امن کیلئے کوششیں جاری ہیں، ہم اپنے مشن سے کسی صورت پیچھے نہیں ہٹیں گے۔

Print Friendly, PDF & Email

Comments

comments

یہ بھی پڑھیں