کراچی: ٹارگٹ کلر پھر سرگرم، باپ بیٹا سمیت 6افراد جاں بحق -
The news is by your side.

Advertisement

کراچی: ٹارگٹ کلر پھر سرگرم، باپ بیٹا سمیت 6افراد جاں بحق

کراچی: ٹارگٹ کلر ایک بار پھر سرگرم ہوگئے، فائرنگ سے باپ بیٹا سمیت چھ افراد بے رحم دہشت گردوں کا نشانہ بن گئے جبکہ کراچی پولیس نے کاروائیوں کے بعد بھتہ خوروں سمیت چھ ملزمان کو گرفتار کرکے اسلحہ اور نقد رقم برآمد کرلی ہے۔

کراچی میں پولیس اور رینجرز ٹارگٹ کلر کے سامنے بے بس ہے، کراچی کے علاقے ملیر ہالٹ پر نامعلوم افراد کی فائرنگ سے دو افراد جاں بحق ہوگئے، جن کی شناخت نسیم خان اور محمد آصف کے نام سے ہوئی، فائرنگ کے بعد علاقے میں کشیدگی پھیل گئی۔

لیاری میں ایک شخص اندھی گولیوں کا نشانہ بنا، اورنگی ٹاؤن میں دہشتگردوں نے باپ اور بیٹے کو موت کی نیند سلا دیا، مقتولین کی شناخت اطہر حسین اور اختر حسین کے نام سے ہوئی ہے، جن کا تعلق مذہبی جماعت سے تھا۔

دو روز قبل ٹارگٹ کیے جانے والے کسٹم آفیسر صلاح الدین زخموں کی تاب نہ لاتے ہوئے اسپتال میں دم توڑ گئے، فائیو اسٹار چورنگی پر ملزمان نے پولیس موبائل پر کریکر پھینک کامیابی سے فرار ہوگئے، خوش قسمتی سے حملےمیں کوئی اہلکار زخمی نہیں ہوا۔

پولیس کے مطابق تیموریہ کے علاقے میں دو بھتہ خور مقامی تاجر سے بھتہ طلب کرنے پہنچے جہاں پولیس نے دونوں ملزمان کو رنگے ہاتھوں گرفتار کرکے اسلحہ برآمد کرلیا ہے۔

مومن آباد کے علاقے سے پولیس نے دو ملزمان کو گرفتار کرکے اسلحہ برآمد کرلیا، پاکستان بازار کے علاقے سے پولیس نے بھتہ خوری میں ملوث ایک ملزم کو گرفتار کرکے اسلحہ برآمد کرلیا، کلفٹن خیابان فیصل بلاک آٹھ سے فائرنگ کے بعد ایک ملزم کو زخمی حالت میں گرفتار کرلیا گیا ہے۔

Comments

comments

یہ بھی پڑھیں