کراچی: ٹارگٹ کلنگ جاری، 1شخص جاں بحق، 2زخمی -
The news is by your side.

Advertisement

کراچی: ٹارگٹ کلنگ جاری، 1شخص جاں بحق، 2زخمی

کراچی: مختلف علاقوں میں فائرنگ کے واقعات میں ایک شخص جاں بحق اور دو زخمی ہوگئے جبکہ ٹارگٹڈ آپریشن کے دوران پولیس اور رینجرز نے کالعدم تنظیم کے کارکنوں سمیت ایک درجن سے زائد ملزمان کو گرفتار کرکے بھاری تعداد میں اسلحہ برآمد کرلیا ہے۔

کراچی کے علاقے منگھو پیر کنواری کالونی میں نامعلوم افراد کی فائرنگ سے ایک شخص جاں بحق ہوگیا جبکہ ناظم آباد اور بوٹ بیسن میں فائرنگ کے دو مختلف واقعات میں دوافراد زخمی ہوگئے، جنھیں طبی امداد کیلئے اسپتال منتقل کردیا گیا ہے، حسن اسکوائر پر منی چینجرز سے ایک کروڑ کی رقم لوٹ لی گئی۔

دوسری جانب رینجرز نے پیر آباد تھانے کی حدود بنارس کالونی اور اطراف کے علاقوں میں جرائم پیشہ افراد کی موجودگی کی اطلاع پر ٹارگٹڈ آپریشن کے دوران گھر گھر تلاشی لی اور گیارہ مشتبہ افراد کو گرفتار کرلیا ہے، رینجرز ترجمان کے مطابق گرفتار شدگان سے ایک ایس ایم جی اور نائن ایم ایم رائفل سینکڑوں کارتوس سمیت چوبیس اقسام کے چھوٹے بڑے ہتھیاراور بارود بھی برآمد کر لیے گئے ہیں۔

گرفتار ہونے والے ملزمان میں کالعدم تنظیم سے تعلق رکھنے والے کارکنان بھی شامل ہیں، تمام گرفتار ملزمان کو مزید تفتیش کیلئے نامعلوم مقام پر منتقل کردیا گیا ، ٹارگٹڈ آپریشن میں تین سو زائد اہلکاروں نے حصہ لیا۔

اُدھر رینجرز اور ایس آئی یو اور ایف آئی اے کی مشترکہ کارروائی میں بینک فراڈ میں ملوث دو ملزمان گرفتار کرلیا گیا، ترجمان رینجرز کے مطابق ملزمان کو شارع فیصل پر ایک گیسٹ ہاؤس سے گرفتار کیا گیا، ملزمان پر بینک ملازم کی ملی بھگت سے پینسٹھ کروڑ روپے کےفراڈ کا الزام ہے۔

کورنگی صنعتی ایریا میں پولیس نے مقابلے کے بعد ایک ڈاکو کو زخمی حالت میں گرفتار کرکے اسلحہ اور لوٹا ہوا سامان برآمد کرلیا ہے۔

Comments

comments

یہ بھی پڑھیں