site
stats
پاکستان

کراچی ٹرانسپورٹرز نے کرائے میں کمی مسترد کر دی

کراچی: ٹرانسپورٹ اتحاد نے ہٹ دھرمی کا مظاہرہ کرتے ہوئے حکومتِ سندھ کی جانب سے ٹرانسپورٹ کرایوں میں کی گئی کمی مسترد کر دی ہے۔

پیٹرولیم مصنوعات کی قیمتوں میں کمی  کے باوجود ٹرانسپورٹرز کی ہٹ دھرمی برقرار ہے، محکمۂ ٹرانسپورٹ سندھ نے کراچی میں ڈیزل پر چلنے والی گاڑیوں کے کرایوں میں سات سے بارہ فیصد کی کمی کا نوٹی فکیشن جاری کردیا ہے۔

اس بات کا فیصلہ محکمۂ ٹرانسپورٹ اور کراچی ٹرانسپورٹ اتحاد کے درمیان ہونے والے اجلاس میں کیا گیا، جنرل سیکریٹری کراچی ٹرانسپورٹ اتحاد محمودآفریدی کے مطابق پیٹرولیم مصنوعات کی قیمتوں میں کمی کے باعث ڈیزل پر چلنے والی پبلک ٹرانسپورٹ کے کرایوں میں سات سے بارہ فیصد کمی کردی گئی۔

ڈیزل پر چلنے والی کوچز کے دس کلومیٹر کے فاصلے پر دو روپے اور اس سے زائد کے فاصلے پر ایک روپے کی کمی کردی گئی ،کرایوں میں کمی کا اطلاق سی این جی پر چلنے والی ٹرانسپورٹ پر نہیں ہوگا۔

حکومت کی طرف سے رکشہ، ٹیکسی کے کرایوں میں بھی کمی کا اعلان کیا گیا ہے۔

عالمی منڈی میں تیل کی گرتی ہوئی قیمتوں کے باعث پاکستان میں پیٹرولیم مصنوعات کی قیمتیں گزشتہ چھ سال کی سطح پر آچکی ہیں مگر کراچی کے ٹرانسپورٹرز کی جانب سے عوام کو ریلیف فراہم نہیں کیا جارہا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top