کراچی : پان منڈی کے دکاندارکوبھتےکی پرچی موصول -
The news is by your side.

Advertisement

کراچی : پان منڈی کے دکاندارکوبھتےکی پرچی موصول

کراچی: پان منڈی کے دکاندارکوبھتےکی پرچی موصول ہوئی،بھتہ خوروں نے دکان پر تالا لگا کر قتل کی دھمکی دی تاجروں نے احتجاجاًکاروباربندکردیا۔

کراچی کی پان منڈی میں بھتہ خوروں کی دیدہ دلیری نے سب کو حیران کردیا، ملزمان نے دکان پر تالا لگا کر بھتے کی پرچی پر دھمکی آمیز عبارت لکھ دی، واقعے کے خلاف دوکاندار سراپا احتجاج بن گئے۔

پولیس نے موقع پر پہنچ کر سیکیورٹی کی یقین دہانی کرائی، پولیس آپریشن میں سیکڑوں بھتہ خوروں کی گرفتاری اور کراچی کے تاجروں کو بھتہ خوری سے نجات دلانے کے دعوے دھرےکےدھرے دکھائی دیتے ہیں ۔

بھتہ خور اتنے دیدہ دلیر ہوگئے کہ بھتے کی پرچی کے ساتھ اپنا نمبر چھوڑگئے، کھلم کھلا بھتہ خوروں نے بھتے کی پرچی پرموبائل نمبر درج کر دیا۔

کراچی کے بھتہ خور بے خوف و خطر بھتے کی پرچی پر اپنے نمبر درج کر کے قانون نافذ کرنے والے اداروں کو چیلنج کر تے دکھائی دے رہے ہیں۔

سی پی ایل سی چیف احمد چنائے کا کہنا تھا کہ ملزمان نےدوبارہ اگرسراٹھایا ہے، تو ضرور کارروائی کی جائے گی،سی پی ایل سی چیف کے مطابق سمز کامعاملہ وقت کےساتھ ساتھ ٹھیک ہوجائے گا۔

Comments

comments

یہ بھی پڑھیں