site
stats
اہم ترین

کراچی: پرویز مشرف کےگھرکےباہرلگے بیریئرز رینجرزنے ہٹا دیے

کراچی: رینجرز نے کراچی میں سابق صدر پرویز مشرف کی رہائش گاہ کے اطراف لگے بیرئرزہٹادیئے۔

کراچی میں حفاظت کے نام پر لگائے گئے گیٹ اور رکاوٹیں ہٹانے کے لیے رینجرز کی جانب سے دی گئی ڈیڈ لائن ختم ہونے کے بعد آپریشن کا آغاز کردیا گیا ہے۔

 رینجرز نے سابق صدر اورسابق چیف آف آرمی اسٹاف جنرل ریٹائرڈ پرویز مشرف کی رہائش گاہ سے رکاوٹیں ہٹاکر رکاوٹیں کھڑی کرنے والے افرادکو اہم پیغام دے دیا ہے۔

ڈی جی رینجرز بلال اکبر نے کراچی کے عوام سے اپیل کی تھی کہ حفاظت کے نام پر لگائے گئے گیٹ اور رکاوٹیں تین روز کے اندر ہٹا دی جائیں اور مقررہ وقت گزرنے کے بعد رکاوٹوں کیخلاف بلاامتیاز آپریشن کا آغاز کیا جائے گا۔

واضح رہے کہ کراچی میں آج سندھ ایپکس کمیٹی کے اجلاس سے خطاب کرتے ہوئے وزیراعلیٰ سندھ سید قائم علی شاہ نے کہا کہ کراچی میں اب تک اسٹریٹ کرائم پر قابو نہیں پایاجاسکا، شہروں کے راستوں پر لگی رکاوٹیں ہٹا دی گئیں تو اسٹریٹ کرائم میں اضافہ ہو سکتا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top