The news is by your side.

Advertisement

کراچی: پولیس اور رینجرز کی کارروائیاں جاری، 3 دہشتگرد ہلاک

کراچی: پولیس اور رینجرز کی مشترکہ کارروائی کے دوران تین دہشتگرد مارے گئے، مختلف علاقوں سے منشیات فروشوں اور ٹارگٹ کلرز سمیت چالیس افراد کوحراست میں لے لیا گیا جبکہ بھاری تعداد میں اسلحہ اور منشیات برآمد کرلی گئی۔

کراچی کے علاقے سرجانی ٹاؤن میں مبینہ پولیس مقابلے کے دوران تین دہشتگردوں مارے گئے، دہشتگردوں کے قبضے سے خودکش جیکٹ سمیت بھاری تعداد میں اسلحہ برآمد کرلیا گیا، لیاری کے علاقے سنگولین میں رینجرز نے گرفتار ملزم کی نشاندہی پر کارروائی کی۔

رینجرز حکام کے مطابق گرفتار ملزم کی نشاندہی پر گینگ وار کے ملزم ملانثار کے گھر پر چھاپہ مارا گیا، جس میں بھاری تعداد میں اسلحہ اور منشیات برآمد کرلی گئیں۔

لیاری کے مختلف علاقوں میں سرچ آپریشن کے دوران پولیس نے چھ ملزمان کو گرفتار کرلیا، سائٹ ایریا میں پولیس سے مقابلے میں ملزم کو زخمی حالت میں گرفتارکرلیا گیا۔

شاہ فیصل کالونی اور الفلاح میں پولیس نےسرچ آپریشن کےدوران بتیس مشتبہ افرادکو حراست میں لےلیا،پولیس کاکہناہے کہ کارروائی کے دوران شاہ فیصل کالونی سےمنشیات کا بڑا سپلائر بھی گرفتار ہوا ہے جس کے قبضے سے بھاری مقدار میں منشیات برآمد کرلی گئی ہیں۔

Comments

comments

یہ بھی پڑھیں