site
stats
پاکستان

کراچی :پولیس مقابلہ، 2ملزم ہلاک اور 3اہلکار زخمی

کراچی: ماڈل کالونی میں پولیس اور مبینہ اغوا کاروں میں مقابلے دوران دو ملزم ہلاک اور تین اہلکار زخمی ہوگئے، ایس ایس پی ناصر آفتاب کا دعویٰ ہے کہ ہلاک ملزمان ارشد پپو کے بھائی ہیں، دوسری جانب شہری بھی ڈاکوؤں پر قہر بن کر ٹوٹ رہے ہیں، لوٹ مار کرتے تین ڈاکو ہتھے چڑھے توشہریوں نے مار مار کر ہلاک کردیا ہے۔

کراچی میں شہری ڈاکوؤں پر قہر بن کر ٹوٹ پڑے، کورنگی زمان ٹاؤن میں ڈاکو کی فائرنگ سے ایک شخص جاں بحق ہوا تو مشتعل شہریوں نے ڈاکو کو پکڑ کر اُس کا وہ حال کیا کہ وہ زندگی سے ہاتھ دھو بیٹھا، یوپی موڑ پر شہریوں نے لوٹ مار کرتے دو ڈاکو پکڑلئے، جو تشدد سے ہلاک ہوگئے۔

دوسری جانب سینٹرل جیل میں تلاشی کے دوران قیدیوں سے چوبیس موبائل فون برآمد ہوئے، تلاشی کے بعد قیدیوں کے دو گروپوں میں جھگڑا ہوا، جس پر بارہ سے زائد کو وارڈ میں بند کردیا گیا، پولیس نے تحقیقات شروع کردیں کہ موبائل فون قیدیوں تک کیسے پہنچے۔

ادھرماڈل کالونی میں اے وی سی سی پولیس پر ملزمان نے دسستی بموں سے حملہ کر دیا، پولیس مقابلے میں فائرنگ سے ایک ملزم ہلاک اور تین پولیس اہلکار زخمی ہوگئے ہیں، نیو کراچی گودھرا کیمپ میں فائرنگ سے ایک شخص جاں بحق ہوا، سنی تحریک کے ترجمان کے مطابق جاں بحق شخص اُن کا کارکن تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top