کراچی: شہر کے نواحی علاقے سہراب گوٹھ میں پولیس مقابلہ جاری ہے، تحریکِ طالبان خان زمان گروپ کے سرکردہ افراد کو گھیرے میں لے لیا گیا ہے۔ اب تک 13 دہشت گرد مقابلے میں ہلاک ہوچکے ہیں۔
تفصیلات کے مطابق سہراب گوٹھ کے عقبی جانب واقع سپر مارکیٹ کے علاقے میں تحریکِ طالبان خان زمان گروپ کا اجلاس جاری تھا۔
باوثوق ذرائع سے ملنے والے خفیہ اطلاعات کی بناء پرپولیس نےاس علاقے کو گھیرے میں لے لیا ہے اور دہشت گردوں اور پولیس پارٹی درمیان شدید فائرنگ کا سلسلہ جاری ہے آپریشن میں بھارئی تعداد میں پولیس موبائلیں ، بکتر بند گاڑیاں اور کمانڈوز حصہ لے رہے ہیں۔
ایس ایس پی ملیر راؤ انوار نے پولیس مقابلے اور13 دہشت گردوں کی ہلاکت کی تصدیق کی ہے، ان کا کہنا تھا کہ ڈہشت گردوں نے پولیس کی وردی پہنی ہوئی تھی۔
سید فواد رضا اے آروائی نیوز کی آن لائن ڈیسک پر نیوز ایڈیٹر کے فرائض انجام دے رہے ہیں‘ انہوں نے جامعہ کراچی کے شعبہ تاریخ سے بی ایس کیا ہے اور ملک کی سیاسی اور سماجی صورتحال پرتنقیدی نظر رکھتے ہیں
