site
stats
اہم ترین

کراچی : پولیس کاروائی، 2ٹارگٹ کلرز سمیت متعدد گرفتار، اسلحہ برآمد

کراچی:  پولیس نے مختلف کاروائیوں میں مغوی خاتون کو بازیاب کراتے ہوئےتین اغواء کاروں سمیت دو ٹارگٹ کلرز کو گرفتار کرلیا، بلدیہ ٹاون سے دس غیرملکیوں سمیت سترہ افراد گرفتارکر لئے گئے۔

رات گئے شہر کے مختلف علاقوں میں اسپیشل سیکیورٹی یونٹ نے فلیگ مارچ کیا۔

کراچی شہر جاری آپریشن میں تیزی آگئی، پولیس نے خفیہ اطلاع پر کارروائی کر تے ہوئے ماڈل کالونی میں چھاپہ مار کر مغوی خاتون کو بازیاب کرا کر تین اغواء کاروں کو گرفتار کرلیا، پولیس نے ملزمان کے خلاف مقدمہ درج کرکے تفتیش کا آغازکردیا ہے جبکہ سخی حسن کے قریب پولیس کے کاونٹرٹیررازم ڈیپارٹمنٹ نے کاروائی کرتے ہوئے دوٹارگٹ کلرز کو گرفتار کرنے کا دعویٰ کیا ہے۔

دوسری جانب بلدیہ ٹاؤن میں پولیس نے سرچ آپریشن کرکے دس غیرملکیوں سمیت سترہ ملزمان کو گرفتار کرلیا، جن میں تین مطلوب ملزمان اور چار منشیات فروش بھی شامل ہیں، ملزمان کے قبضہ سے منشیات اوراسلحہ بھی برآمد کیا گیا۔

رات گئے اسپیشل سیکیورٹی یونٹ نے شہرکےمختلف علاقوں میں فلیگ مارچ کیا، پولیس ذرائع کے مطابق فلیگ مارچ موجودہ سیکیورٹی صورتحال کے پیشِ نظر کیا جارہا ہے جبکہ حساس مقامات پرایس ایس یو کے کمانڈوز تعینات ہوں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top