The news is by your side.

Advertisement

کراچی : کورنگی سو کوارٹرز سے 4 ٹارگٹ کلر گرفتار، اسلحہ برآمد

کراچی: کراچی میں کائونٹر ٹیررازم ڈپارٹمنٹ نے سیاسی جماعت کے چار ٹارگٹ کلرز کو گرفتار کرلیا، جن کے قبضے سے اسلحہ ،دستی بم اور گولیاں برآمد کرلی۔

ایس ایس پی عثمان باوجوہ کے مطابق سی ٹی ڈی نے کورنگی سو کوارٹر کے قریب کارروائی کرتے ہوئے سیاسی جماعت سے تعلق رکھنے والے ٹارگٹ کلر ابوہریرہ عرف سہیل عرف عمر علی،عبداللہ عرف دنبہ، محمد ابراہیم عرف ترمزا، جاوید خان عرف بھولا کو گرفتار کرلیا گیا۔

گرفتار ملزمان نے اکیس سے زائد ٹارگٹ کلنگ کی وارداتوں کا انکشاف کیا ، ملزمان کے قبضے سے دو کلاشنکوف ، دودستی بم ، دو ٹی ٹی پستول، اور متعدد گولیاں برآمد ہوئیں۔

دوسری جانب پولیس کی مختلف کارروائیوں میں پانچ ملزمان گرفتارکر لئے گئے، اسلحہ اور موٹرسائیکل برآمد کرلی گئی۔

دوسری جانب کراچی میں جرائم پیشہ افراد کے خلاف پولیس کی کارروائیں جاری ہیں ، پولیس نے اورنگی ٹاؤن میں خفیہ اطلاع پر کارروائی کی تو ملزم نے پولیس پر فائرنگ کردی، جوابی کارروائی میں پولیس نے ملزم کو زخمی حالت میں گرفتار کرکے اسلحہ برآمد کرلیا۔

پولیس کے مطابق ملزمان متعدد وارتوں میں ملوث ہے، پولیس نے مقدمہ درج کرکے تفتیش کا آغاز کردیا، پولیس نے عائشہ منزل پر ملزمان کی موجودگی کی اطلاع پر کاروائی کرتے ایک ملزم کو گرفتار کرلیا۔

پولیس کے مطابق ملزم پولیس اہلکاروں پر فائرنگ میں ملوث ہے جبکہ سہراب گوٹھ مچھر کالونی میں پولیس نے کارروائی کرتے ہوئے تین ملزمان کو گرفتار کرلیا ہے، جن کے قبضہ سے اسلحہ اور موٹر سائیکل برآمد کرلی گئی۔

Print Friendly, PDF & Email

Comments

comments

یہ بھی پڑھیں