The news is by your side.

Advertisement

کراچی کونفرت کی آگ میں جھونکاجارہاہے، حیدرعباس رضوی

کراچی : ایم کیو ایم رابطہ کمیٹی کے رکن حیدر عباس رضوی کے کوآرڈنیٹر سلمان کاظمی کی نماز جنازہ ادا کر دی گئی۔

اس موقع پر میڈیا سے گفتگو کرتے ہوئے ایم کیو ایم کے رہنماء حیدرعباس رضوی کا کہنا تھا کہ کراچی کو سوچے سمجھے منصوبے کے تحت نفرت کی آگ میں جھونکا جا رہا ہے۔

انھوں نے کہا ہے کہ سلمان کاظمی چھوٹا بھائی اور بیٹا تھا، قائدِ تحریک الطاف حسین بھائی کا جانثار کارکن تھا، ساری زندگی تحریک کیلئے قربانیاں دیں، ظالم دہشتگردوں نے شہید کردیا۔

حیدرعباس رضوی نے کہا ہے کہ مصلحت کے نام پر کراچی میں شیعہ سنی فرقہ وارانہ فساد کرایا جارہا ہے،الطاف حسین کی اتحاد بین الامسلمین اور بین المذاہب کی قربانیاں ڈھکی چھپی نہیں، دہشتگردوں کو روکنے والا کوئی ہاتھ دکھائی نہیں دیتا ہے۔

حیدرعباس رضوی کا کہنا تھا کہ ڈاکٹرز، انجینئرز، لائرز اور پروفیسرز کے بعد ان کے خاندانوں کو بھی نشانہ بنایا جارہا ہے۔

متحدہ قومی موومنٹ ایسی مذموم کاروائیوں کی بھرپورمذمت کرتی ہے اورمطالبہ کرتی ہے کہ وزیرِاعظم نواز شریف، وزیرِاعلیٰ سندھ اور گورنر سندھ ، قانون نافذ کرنے والے ادارے دہشتگردوں کے خلاف بھرپورکاروائی کریں۔

Print Friendly, PDF & Email

Comments

comments

یہ بھی پڑھیں