The news is by your side.

Advertisement

کراچی کی صورتحال،وزیراعظم، آرمی چیف جمعہ کو دورہ کریں گے

اسلام آباد: وزیرِاعظم نوازشریف آرمی چیف جنرل راحیل کے ہمراہ جمعہ کوایک روزہ دورے پر کراچی پہنچ ہے ہیں، اعلی سطح اجلاس میں وزیراعظم کو نینشل ایکشن پلان اور کراچی آپریشن سے متعلق جائزہ لیا جائے گا۔

کراچی کی بنتی بگڑتی امن وامان اور سیاسی صورتحال کے پیشِ نظر وزیرِاعظم نوازشریف آرمی چیف جنرل راحیل شریف کے ہمراہ جمعہ کو کراچی آرہے ہیں، تیس جنوری کو کراچی دورے کے بعد وزیرِاعظم نے اگلے روز ہی آرمی چیف کے ہمراہ کراچی میں عسکری اور سیاسی قیادت سے بات کرنےکی خواہش کا اظہار کیا تھا۔

جمعہ کو وزیرِاعظم گورنر ہاؤس سندھ میں اجلاس کی صدارت کریں گے، اجلاس میں نیشنل ایکشن پلان اور بیس ماہ سے کراچی میں جاری ٹارگٹڈ آپریشن کا جائزہ لیا جائے گا۔

ذرائع کے مطابق شہر کی سیاسی صورتحال اور ماورائے عدالت قتل کے الزامات پر بھی بات ہونے کا امکان ہے۔

اعلی سطح اجلاس میں گورنر، وزیراعلی چیف سیکریٹری سندھ،سمیت کورکمانڈر ڈی جی رینجرز،آئی جی سندھ بھی شریک ہوں گے جبکہ آئی ایس ، ایم آئی اور آئی بی کے نمائندے حکام کو بریفنگ بھی دیں گے۔

Print Friendly, PDF & Email

Comments

comments

یہ بھی پڑھیں