کراچی کے حالات کا سنجیدگی سے نوٹس لیا جائے،سراج الحق -
The news is by your side.

Advertisement

کراچی کے حالات کا سنجیدگی سے نوٹس لیا جائے،سراج الحق

کوئٹہ : جماعت اسلامی کے مرکزی امیر سراج الحق نے کہا ہے کہ ملکی مسائل کا حل صرف اور صرف شرعی نظام میں مضمر ہے گولی اور دباؤ کے ذریعے مسائل حل کرنے کا نظریہ فیل ہوگیا ہے۔،

کوئٹہ پہنچنے پرجماعت اسلامی کے صوبائی عہدیداروں کے ہمراہ پریس کانفرنس کرتے ہوئے سراج الحق کا کہنا تھا کہ کراچی کے حالات کا نوٹس نہ لیا گیا اور حالات کو درست سمت نہ دی گئی توپورا ملک متاثر رہے گا۔

انہوں نے کہا کہ بلوچستان کے حالات کو درست قراردینا غلط ہے، میاں نواز شریف اپنی کابینہ کے ہمراہ یہاں آکر مسائل کا حل بات چیت کے ذریعے نکالیں۔

ان کا کہنا تھا کہ ہماری خواہش ہے کہ حکومت اپنی پانچ سال کی مقررہ مدت پوری کرے ،قبل از وقت شہادت ملنے پرحکومت الزام لگائے گی کہ ہمیں کام کرنے کا موقع نہیں ملا۔

موجودہ حکومت پانچ سال پورے کریگی تو عوام جان لیں گے کہ وہ ان کے مسائل حل کرسکی یا نہیں،سراج الحق نے کہا کہ جماعت اسلامی ملک بھر کے محروم طبقات کو ایک پلیٹ فارم پر اکٹھاکرنے کی کوششیں کررہی ہے۔

Comments

comments

یہ بھی پڑھیں