کراچی کے ساتھ ناانصافیوں سے احساس محرومی بڑھے گی، فاروق ستار -
The news is by your side.

Advertisement

کراچی کے ساتھ ناانصافیوں سے احساس محرومی بڑھے گی، فاروق ستار

کراچی : ایم کیو ایم کے رہنما ڈاکٹر فاروق ستارنے کہا ہے کہ رینجرز کو صرف کراچی میں اختیارات دینے پر تحفظات ہیں،صوبے میں صرف ایک شہر کو سنگل آؤٹ نہیں کیا جاسکتا۔

ان خیالات کاا ظہار انہوں نے کراچی یونین آف جرنلسٹ کے افطار ڈنر کے موقع پر میڈیا سے گفتگو کرتے ہوئے کیا، ڈاکٹر فاروق ستارکاکہنا تھا کہ سندھ اسمبلی میں رینجرز کے حوالے سے ایم کیو ایم اپناکردار ادا کرے گی۔

انہوں نے کہا کہ کراچی آپریشن کی مانیٹرک کمیٹی کا وزیراعظم نے خود وعدہ کیا تھا ، بلا تاخیر کراچی آپریشن پر مانیٹرنگ کمیٹی بنائی جائے جس کو اختیارات بھی دیے جائیں۔

ڈاکٹر فاروق ستار نے کہا کہ کراچی کے ساتھ صوبائی حکومت کی ناانصافیوں کے باعث احساس محرومی بڑھے گی ، اس موقع پر ایڈیشنل آئی جی کراچی غلام قادر تھیبو کاکہنا تھا کہ سانحہ صفورہ میں داعش کے کچھ لوگ پکڑے گئے ہیں، اور داعش کے کچھ لوگ کراچی میں موجود ہیں۔

عید نماز کے موقع پر شہر میں سیکیورٹی سخت کردی جائے گی ،انہوں نے کہا کہ امید ہے کہ عید الفطر خیر و خوبی سے گذر جائے گی۔

ماہ رمضان کے دوران کراچی میں کوئی بھی واقعہ نہیں ہوا، ایڈیشنل آئی جی کاکہنا تھا کہ ایپکس کمیٹی کے اپنے فیصلے ہیں، پولیس کا کردار امن وامان کے حوالے سے واضح ہے۔

پی ٹی آئی رہنما فیصل واڈا کاکہنا تھا کہ رینجرز کے اختیارات کم کرنے کی مخالفت کریں گے ،کرپشن اور دہشت گردی کے خلاف رینجرز کا کردار قابل تعریف ہے ۔

انہوں نے کہا کہ ایاز صادق کی سیٹ گئی تو وفاقی حکومت بھی نہیں رہ سکے گی۔ مسلم جیم خانہ میں کراچی یونین آف جرنلسٹ کی افطار پارٹی میں سینیٹر سعید غنی، شبیر قائم خانی ، نثار شر، میاں زاہد حسین، امین یوسف، فاضل جمیلی اور دیگر سیاسی اور سماجی شخصیات نے شرکت کی۔

Comments

comments

یہ بھی پڑھیں