The news is by your side.

Advertisement

کراچی : گبول ٹاؤن میں گارنمنٹ فیکٹری میں آتشزدگی

کراچی: شہرِ قائد کے علاقے نیوکراچی انڈسٹریل ایریا کے گبول ٹاؤن میں گارنمنٹ فیکٹری میں اچانک آگ بھڑک اٹھی، جس نے دیکھتے ہی دیکھتے شدت اختیار کرتے ہوئے پوری فیکٹری کو اپنی لپیٹ میں لے لیا۔

فیکٹری میں موجود ملازمین کو لوگوں نے اپنی مدد آپ کے تحت فیکٹری سے نکالا، فائر بریگیڈ کی سات گاڑیاں اور ایک باوزر نے جدوجہد کے بعد آگ پر قابو پایا۔

فائر بریگیڈ حکام کے مطابق آگ فیکٹری کے ڈائن سیشن میں لگی تھی، جہاں موجود کیمیکل کے باعث آگ بجھانے میں مشکلات کا سامنا کرنا پڑا۔

ابتدائی طور پر آگ شارٹ سرکٹ کا نتیجہ معلوم ہوتی ہے، آگ کے باعث فیکٹری میں موجود مشینری اور تیار سامان کو نقصان پہنچا۔

تاہم پولیس نے آگ لگنے کی تحقیقات شروع کردی ہے۔

Comments

comments

یہ بھی پڑھیں