site
stats
اہم ترین

کراچی :گلشن اقبال میں درجنوں جھونپڑیوں میں آتشزدگی

کراچی: گلشن اقبال میں درجنوں جھونپڑیوں میں آتشزدگی کے باعث دو افراد جھلس کر زخمی لاکھوں روپے مالیت کا سامان جل کر خاکستر ہوگیا۔

ریسکیو ذرائع کے مطابق نامعلوم وجوہات کی بناء کراچی کے علاقے گلشن اقبال بیت المکرم مسجد کے قریب واقع کچی بستی میں اچانک آگ لگی، جس نے دیکھتے ہی دیکھتے درجنوں جھوبپڑیوں کو جلا کر خاکستر کردیا۔

اطلاع ملنے پر گھنٹے گزر جانے کے بعد ریسکیو آپریشن فائر بریگیڈ کی دس گاڑیاں آگ بجھانے پہنچی جبکہ امدادی کاموں میں پولیس اور رینجرز کی نفری نے بھی حصہ لیا۔

واقعہ میں دو افراد جھلس کر زخمی بھی ہوئے، دو گھنٹے کی جدوجہد کے بعد آگ پر قابو پالیا گیا، آتشزدگی کے واقعہ میں جھونپڑیوں میں موجود لاکھوں روپے مالیت کا گھریلو سازو سامان اور کھانے پینے کی اشیاء جل کر خاکستر ہوگئیں۔

فائر بریگیڈ کی گاڑیاں وی آئی پی موومنٹ کے باعث ٹریفک میں پھنسی رہی، بروقت ریسکیو آپریشن نہ ہونے کے باعث آگ نے غریبوں کی عمر بھر کی پونجی کے ساتھ ساتھ بچوں کو بھی جھلسہ دیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top