site
stats
اہم ترین

کراچی:15منٹ میں 3 پولیس اہلکارجاں بحق، تعداد 5 ہوگئی

کراچی :لانڈھی اور بلدیہ میں پندرہ منٹ کے دوران تین پولیس اہلکار ٹارگٹ کلنگ کا نشانہ بن گئے، آج فائرنگ اور پرتشددواقعات میں پانچ افراد جان سے گئے۔

کراچی میں پولیس اہلکار دہشتگردوں کے نشانے پر ہیں، لانڈھی انڈسٹریل ایریا گل احمد مل کے قریب پولیس اہلکار ہیڈ کانسٹیبل اظہر اور اعظم ٹارگٹ کلنگ کا نشانہ بن گئے، قائد آباد تھانے کےدونوں اہلکار انسداد پولیو مہم کی ڈیوٹی پرمعمورتھے۔

بلدیہ شانتی نگرمیں بھی فائرنگ سے ہیڈ کانسٹیبل طاہر شہید ہوگیا، اتحاد ٹاؤن تھانےکا اہلکارانسداد پولیو مہم کی سیکیورٹی کےفرائض دے رہا تھا، آج پندرہ منٹ کےدوران پولیو مہم پر ڈیوٹی دینے والے تین پولیس اہلکار ٹارگٹڈ کلنگ کا نشانہ بنے۔

لانڈھی ڈی گیارہ اسٹاپ کےقریب فائرنگ سےایک شخص ہلاک ہوگیا جبکہ لانڈھی چھ نمبر سےگولیاں لگی ہاتھ پاؤں بندھی لاش ملی، ادھر قائد آباد میں پولیس مقابلےکےدوران ایک ڈاکو ہلاک ہوگیا، پولیس کے مطابق ہلاک ملزم پچاس سے زائد قتل کی وارداتوں میں مطلوب تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top