کرس گیل نے ورلڈکپ تاریخ کی پہلی ڈبل سینچری بناڈالی -
The news is by your side.

Advertisement

کرس گیل نے ورلڈکپ تاریخ کی پہلی ڈبل سینچری بناڈالی

کینبرا : آئی سی سی ورلڈ کپ کے گروپ بی کے میچ میں ویسٹ انڈیز اور زمبابوے مدِ مقابل ہیں۔

ویسٹ انڈیز کے کھلاڑی کرس گیل نے ورلڈ کپ کرکٹ میں ایک نیا ریکارڈ بنا ڈالا، کرس گیل نے شاندار اننگز کھیلتے ہوئے سب سے بڑی اننگز کھیلنے اور ورلڈ کپ میں پہلی ڈبل سینچری اسکور کرنے کا ریکارڈ اپنے نام کر لیا ہے۔ کرس گیل نے یہ ریکارڈ زمبابوے کے خلاف میچ میں بنایا۔

کرس گیل کی دھواں دار بیٹنگ کے سامنے بالرز سمیت فیلڈرز کی بھی ایک نہ چلی، کرس گیل کی دھواں دار اننگز  16بلند و بالا چھکے اور10چوکے شامل ہیں، کرس گیل نے اپنی اس اننگ کے دوران ون ڈے کیرئیر کے 9 ہزار رنز بھی مکمل کئے۔

یاد رہے اس سے پہلے ورلڈ کپ میں سب سے بڑی اننگز کھیلنے کا اعزاز جنوبی افریقا گیری کرسٹن کے پاس تھا، کرسٹن نے 1996 کے ورلڈ کپ میں یو اے ای کیخلاف 188رنزکی اننگز کھیلی تھی۔

ویسٹ انڈیز نے زمبابوے کے خلاف ٹاس جیت کر پہلے بیٹنگ کا فیصلہ کیا ہے، ویسٹ انڈیز کے کپتان جیسن ہولڈر کا ٹاس جیت کر کہنا تھا کہ وکٹ بیٹنگ کے لئے سازگار ہے، اس لئے پہلے بیٹنگ کا ترجیح دیں گے۔

Comments

comments

یہ بھی پڑھیں