کرپشن نے ملک کو دیمک کی طرح چاٹ لیا، ممنون حسین -
The news is by your side.

Advertisement

کرپشن نے ملک کو دیمک کی طرح چاٹ لیا، ممنون حسین

اسلام آباد : صدر مملکت ممنون حسین نے کہا ہے کہ کرپشن نے اس ملک کو دیمک کی طرح چاٹ لیا ہے۔ بڑے بڑے خاندان کرپشن میں ملوث پائے جاتے ہیں۔

ایوان صدر میں نیب کے زیراہتمام واک کا اہتمام کیا گیا۔ واک کی قیادت صدر مملکت اور چئیرمین نیب قمر الزمان چوہدری نے کی۔ واک میں سفارت کاروں کے علاوہ کاروباری کمیونٹی اور سرکاری اداروں کے افسروں نے بھی شرکت کی۔

صدر مملکت کا مزید کہنا تھا کہ دو ہزار آٹھ میں پاکستان پرسولہ ہزار سات سو ارب روپے کا قرضہ تھا ۔ مسلم لیگ ن نے جب حکومت سنبھالی تو ملکی قرضہ چوبیس ہزار آٹھ سو ارب روپے تک پہنچ چکا تھا۔

پاکستان میں کرپشن کے خلاف جذبات موجود ہیں اور سب کو مل کر اس کے خلاف آواز اٹھانی چاہئیے۔ انہوں نے واک میں موجود سفارت کاروں کو کہا کہ وہ اپنے ممالک کو بتائیں کہ پاکستانی قوم کرپشن کے خلاف ہے۔

انہوں نے کہا کہ افسوس سے کہنا پڑتا ہے کہ ملک میں کرپٹ لوگ سینہ تان کر چلتے ہیں۔اگر ایمانداری کو ترجیح دی جائے تو چہرے پر رونق کے ساتھ ساتھ خوشحالی بھی آئے گی۔

Comments

comments

یہ بھی پڑھیں