The news is by your side.

Advertisement

کرکٹر محمد عامرکی پانچ سال بعد کرکٹ کے میدان میں واپسی

راولپنڈی: پانچ سالہ پابندی کا سامنا کرنے والے قومی کرکٹر محمد عامربل آخرمیدان میں اتر ہی گئے۔

 اسٹیڈیم میں گریڈ ٹو میچ میں محمد عامر نے سی ڈے اے کے خلاف عمر ایسوسی ایٹس کی نمائندگی کی اور شاندار کم بیک کرتے ہوئے محمد عامر نے اپنے پہلے ہی سپیل میں تین کھلاڑیوں کو پویلین کی راہ دکھائی۔

اس موقع پر میڈیا سے گفتگو کرتے ہوئے محمد عامر کا کہنا تھا اپنے کرکٹ کیرئر کا مشکل وقت گزار چکا ہوں،اب پر امید ہوں کہ بہتر کرکٹ کھیل کر لوگوں کے دل جیت سکوں۔

ورلڈ کپ میں پاکستان کرکٹ ٹیم کی کارکردگی پر تبصرہ کرتے ہوئے محمد عامر نے کہا کہ ٹیم جیت کے بہترین ٹریک پر چل رہی ہے،جبکہ ساؤتھ افریقہ سے میچ جیتنے میں باؤلرز نے اہم کردار ادا کیا۔

محمد عامر نے تسلیم کیا کہ کامیابی کے لئے کوئی شارکٹ نہیں،مسلسل محنت ہی اونچی اڑان کا واحد ذریعہ ہے۔

محمد عامر کے ساتھی کرکٹر اور کوچز بھی ڈومیسٹک کرکٹ میں ان کی واپسی پر خوش دکھائی دیئے۔

Print Friendly, PDF & Email

Comments

comments

یہ بھی پڑھیں