site
stats
پاکستان

کرکٹ کے بخار نے سیاستدانوں کو بھی اپنی لپیٹ میں لے لیا

اسلام آباد: وزیر اعظم نواز شریف اور وزیر اعلیٰ پنجاب شہبا زشریف نےبھارت کے خلاف میچ میں پاکستا نی ٹیم کیلئے نیک خواہشات کا اظہار کیا ہے۔

پاک بھارت کرکٹ میچ میں پاکستانی ٹیم کی جیت کیلئے قوم دعا گو ہے تو ساتھ ہی ساتھ شہریوں کی جانب سے پاکستانی ٹیم کے ساتھ یکجہتی کے منفرد انداز بھی اپنائے جارہے ہیں۔

 ورلڈ کپ میں پاکستانی قوم کے دل گرین شرٹس کے ساتھ دھڑکتے ہیں اور جب پاکستانی کرکٹ ٹیم کے مد مقابل ہو روایتی حریف بھارت ہو تو یہ دھڑکنیں، جوش اور جزبہ مزید بڑھ جاتاہے۔

کرکٹ کا بخار سیاستدانوں کو بھی اپنی لپیٹ میں لئے بنا نہیں رہا، وزیر اعظم نے پاکستانی ٹیم کیلئے نیک خواہشات کا ذکر کیا ہے۔وزیر اعظم نے وزارت پانی و بجلی کو ہدایات بھی جاری کر دیں کہ ملک بھر میں پاک بھارت کرکٹ میچ کے دوران لوڈ شیدنگ نہ کی جائے۔

وزیراعلیٰ پنجاب نے کہا ہے کہ پوری قوم کی دعائیں روایتی حریف بھارت کے خلاف میچ میں فتح کےلئے قومی کرکٹ ٹیم کے ساتھ ہیں۔

جماعت اسلامی کے امیر نے بھی نیک خواہشات کا ذکر کرتے ہوئے کہا ہے کہ شاہد آفریدی ، مصباح الحق ، یونس خان سمیت کل سارے کھلاڑی اچھا کھیلیں گےاور انشااللہ پاکستان جیتےگا۔

عمران خان تو خود کرکٹر رہ چکے ہیں،شیخ رشید نے بھی قومی ٹیم کیلئے نیک تمنائوںکا اظہار کیا ہے۔

کپتان سے شادی کے بعد ریحام خان کو بھی کرکٹ فیور چڑھ گیا ہے، ریحام خان کا کہنا ہے کہ پاکستانی ٹیم کسی بھی ٹیم کو دھول چٹانے کی صلاحیت رکھتی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top