کرکٹ کے عالمی کپ کا سنسنی خیزفائنل: تاج کس کے سر سجے گا -
The news is by your side.

Advertisement

کرکٹ کے عالمی کپ کا سنسنی خیزفائنل: تاج کس کے سر سجے گا

میلبورن : دنیائے کرکٹ پرآئندہ چار سال حکمرانی کون کرے گا۔ فیصلے کی گھڑی قریب آگئی۔ شائقین کے دلوں کی دھڑکنیں تیز ہو گئیں۔

عالمی کپ کا سنسنی خیزفائنل اتوارکوآسٹریلیااور نیوزی لینڈ کےدرمیان میلبورن میں ہوگا۔تفصیلات کے مطابق ورلڈ کپ اختتامی مرحلے میں داخل ہوگیا۔

بھارت کی بھی چھٹی ہوگئی۔ میزبانوں نےایک ایک کرکے بارہ مہمان ٹیموں کا سفر ختم کردیا۔ اب دو ٹیموں میں گھمسان کا رن پڑے گا۔

آئندہ چار سال کے لئے نیا ورلڈ چیمپئن کون ہوگا فیصلہ آسٹریلیا اور نیوزی لینڈ کے درمیان اتوار کو میلبورن میں ہوگا۔ اب ایک جیت کسی ایک ٹیم کی دنیا بدل دے گی۔

انیس سو ستاسی کے بعد یہ پہلا موقع ہے کہ کوئی ایشیائی ٹیم فائنل تک رسائی حاصل نہیں کرپائی۔ نیوزی لینڈ نے ورلڈ کپ کی تاریخ میں پہلی مرتبہ فائنل کھیلنے کا اعزاز حاصل کیا ہے۔

ادھر آسٹریلیا سب سے زیادہ چار مرتبہ ورلڈ چیمپئن بن چکا ہے۔ ٹائٹل کے لئے دونوں ہی ٹیموں کو فیورٹ قرار دیا جارہا ہے۔

گروپ میچ میں بلیک کیپس نے کینگروز کو دلچسپ مقابلے کے بعد زیر کیا تھا۔ فائنل میں بھی سنسنی خیز مقابلے کی توقع کی جارہی ہے۔

Comments

comments

یہ بھی پڑھیں