The news is by your side.

Advertisement

کرک اور قلات میں ٹریفک حادثات ، متعدد جاں بحق

کرک: قلات اور کرک میں مختلف حادثات پیش آئے، کرک میں ٹریفک حادثے میں مسافر کوچ کھائی میں جاگری، جس کے نتیجے میں سات افراد جاں بحق ہوگئے، دوسری جانب قلات میں ٹریفک حادثے نے تین افراد کی جان لے لی۔

خیبر پختون خوا کے ضلع کرک میں ہولناک ٹریفک حادثے نے کئی زندگیاں نگل لیں، اطلاعات کے مطابق ٹریفک حادثے کا شکار مسافر کوچ  بنوں سے ٹل جارہی تھی کہ باندہ داؤد شاہ کے مقام پر گہری کھائی میں جا گری۔

حادثے کے بعد امدادی ٹیموں نے جائے وقوع پر پہنچ کر زخمی ہونے والے افراد کو قریبی اسپتال منتقل کیا۔

پولیس کا کہنا ہے گذشتہ روز بھی ایک وین اسی جگہ پر کھائی میں گر گئی تھی۔ تاہم خوش قسمتی سے اس میں کسی قسم کا جانی نقصان نہیں ہوا۔

قلات میں بھی ٹریفک حادثے نے تین افراد کی جان لے لی، ذرائع کے مطابق حادثہ نیشنل ہائی وے پر پک اپ اور ٹرالر میں تصادم کے باعث پیش آیا، امدادی ٹیموں نے جائے وقوع پر پہنچ کر لاشوں کو اسپتال منتقل کردیا۔

اس سے قبل کشمور پخشا پور کے مقام پر کراچی سے پشاور جانے والی مسافر کوچ اور ٹرالر میں تصادم ہوگیا، جس کے نتیجے میں ایک خاتون سمیت چھ افرادجاں بحق ہوگئے جبکہ پینتالیس کے قریب افراد زخمی ہوگئے، جن کو کشمور سول اسپتال منتقل کیا گیا۔

جائے حادثہ پر ضلع بھر سے ایمبولینس پہنچ گئیں، زخمیوں میں نو کی حالت انتہائی تشویشناک بتائی جاتی ہے۔

Print Friendly, PDF & Email

Comments

comments

یہ بھی پڑھیں