The news is by your side.

Advertisement

کسی کو جمہوریت ڈی ریل نہیں کرنے دینگے، رانا مشہود

لاہور: صوبائی وزیر قانون رانا مشہود نے کہا ہے کہ کینیڈا پلٹ مولوی غیر ملکی دشمنوں کے اشاروں پر پاکستان کی ترقی کو روک رہا ہے جمہوریت ڈی ریل کرنے کی کوشش کی گئی تو ن لیگ کے کارکن بھی سڑکوں پر ہوں گے۔

لاہور میں پریس کانفرنس کرتے ہوئے رانا مشہود کا کہنا تھا کہ حکمت عملی تیار کرلی ہے تین دن میں عمل شروع ہوجائے گا، کسی کو جمہوریت ڈی ریل نہیں کرنے دینگے اور نہ ہی آئین توڑنے دینگے، سانحہ ماڈل ٹاون پر جوائنٹ انسوسٹی گیشن ٹیم کی رپورٹ ایک دو دن میں سامنے آجائے گی، رانا مشہود احمد کا کہنا تھا کہ احتجاج کا یہ وقت ٹھیک نہیں، دہشتگردی کا خطرہ ہے، حساس تنصیبات کی حفاظت کے لیے آرمی اور ریجنرز کو تعینات کیا جارہا ہے، اگر ان کے احتجاج میں دہشتگردی کا واقعہ ہوگیا تو ذمہ دار یہ خود ہونگے۔

صوبائی وزیر قانون نے الزام لگایا کہ ڈاکٹر طاہرالقادری ملک دشمنوں کا ایجنٹ ہیں جو ملکی ترقی کی راہ میں رکاوٹ کےلیے سازش کررہے ہیں، اسطرح کی سازش مصر ، شام، اردن اور یمن میں کی گئی، فوج پاکستان کی بقاء کی جنگ لڑ رہی ہے کینیڈین پلٹ مولوی پاکستان کو تقسیم کرنا چاہتا ہے، منہاج القرآن کے ورکرز احتجاج کے دوران قرآن پاک ساتھ نہ لیکر آئیں ، اس سے بے حرمتی ہوسکتی ہے۔

Print Friendly, PDF & Email

Comments

comments

یہ بھی پڑھیں