The news is by your side.

Advertisement

کسی کو زبردستی کاروباربند کرنے کا نہیں کہا،عمران خان

کراچی  : پاکستان تحریک انصاف کے سربراہ عمران خان نے کہا ہے کہ میں کراچی کے عوام کا شکر گزار ہوں کہ انہوں نے پی ٹی آئی کی کال پر پر امن احتجاج میں حصّہ لیا، اورہم نے کسی کو زبردستی دکانیں یا ٹرانسپورٹ بند کرانے کا نہیں کہا۔

یہ بات انہوں نے کراچی ائیر پورٹ پہنچنے کے بعد میڈیا سے گفتگو کرتے ہوئے کہی، انہوں نے کہا کہ فیصل آباد میں فائرنگ کرنے والوں کے نام آئندہ پریس کانفرنس میں پیش کئے جائیں گے۔

ایک سوال کے جواب میں ان کا کہنا تھا کہ احتجاج کرنا ہر سیاسی جماعت کا حق ہے اور اگر کسی کو اس احتجاج سے کوئی تکلیف پہنچی ہے تو میں معذرت خواہ ہوں،آزادی کیلئے قربانیاں دینا پڑتی ہیں انہوں نے کہا کہ میں کراچی میں ہونے والے دھرنوں کے تمام مقامات پرجاؤں گا۔

Comments

یہ بھی پڑھیں